هجولة في الجامعة

انيو سيوو (سلااام )ـ   

وحشتوني وحشتوني وحشتوني ….الخ

ماتحسون كل اسبوعين ثلاث طابه اقول وحشتوني    

مادري متى اركز وارجع ادخل التمبلر كل يوم

بس من جد المرا هادي وحشتوني ووحشنني فانز الكيبوب الجميل   

الاختبارات هذي اول اختبارات احس فيها بمغص وخوف وطلع بوجهي حبوب

حشا كأني داخلة اختبار موت او حياة    

بقولكم كيف عدت اختباراتي جدولي كان 

السبت : رياضيات . الاحد : حاسب الي . الثلثاء: ثقافة اسلامية . الاربعاء : عربي . الخميس : انقليش 

المهم السبت اول يوم واول يوم ادخل فيه الجامعه ماحد يتصور قد ايش كنت متوترة وخايفة 

في الأصل انا جبانة وماقدر ادخل مكان لحالي لازم يكون معاية شخص واحد ع الاقل 

ماقدر اعتمد ع نفسي بأي شي فكان دخولي للجامعه جدا انجااااااااز  

قبل لا روح قلت لماما بابا متى بيجي قالت باقي ساعة يميدكي تلبسي وتراجعي كمان 

5 دقايق يتصل خالي ويقول انا عند الباب اطلعي جاتني صدمة انا بالبجامه ماخلصت لبس لسا 

والبس ع السريع واخرج وانا معصبه وجسمي ينتفض من الخوف 

المهم خالي سار يحاول يخفف التوتر يقول اشياء سامجه وانا مو عندو ارجف من الخوف 

وقف عند بابا الجامعه ههههههههه وربي مانسى شكلي ماسكة بالباب مابغى اطلع واقوله روح قدام شوية كمان 

المهم اول مادخلت الجامعه شفت وحدة من صحباتي واروح عندها وابوس فيهااا حسيتها انقدتني من الموووت 

سارنقهي نوااال ( احبيك ) ـ  

والحمد الله الحمد الله كل الاختبرات كانت حلوى وان شالله نتيجتي تطلع كويسة 

اخر يوم الخميس الي فات اختبار انقليش خطتين الف وباء مررااا زحمة وانا ما جا ببالي ان مارح الاقي مكان ليا 

رحت نفس كل يوم الساعة 2 الظهر تفاجأت بالاستادة تقولي بسرعة دوريلك مقعد ولا مارح تختبري 

المهم يوم قالت كذا كانها قالتلي محرومة من الاختبار اتصلت ع صحباتي قالولي مقعدك الي حجزناه راح بسرعة روحي لمبنى 420

وجري لمبنى 420 انا ومجموعة بنات نقابل استادة تقول روحو ل  13 مبنى 420 ميان    

واااه انا هنا خلاص بموت تعب وانا اجري ومن الخوف من الاختبار  

المهم نجري لمبنى 13 نقابل مجموعة بنات قالو لاتقولون 420  مليان قلت ايوا قالو لا حتى 13 مليان     

ياماما دوروني بموووت نروح لمبنى 4 لقينااااااة مليااااااااااااااان والله العظيم جيت بدري ياناس بدري ليش كذا  

قالتلنا الاستادة روحو مبنى 5 يمكن تلاقون مكان انا هنا قلت بروح البيت خلاص ولا اللعب بالأعصاب هذا    

وصلنا مبنى 5 قابلنا الامن قالولنا بسرعة يمكن مايكفيكم كلكم ندخل مبنى 5 ونلاقي اول 3 قاعات مليانه يالله ايش هذا الحظ 

المهم بعد تعب وراح نص وقت الاختبار فتحو لنا قاعة ودخلنا ونص الوقت راح عشان يكتمل العدد بالقاعة 

وبعدين وزعو اوراق الاختبار الحمدالله اسئلة الانقليش ابد ابد ماكنت اتوقع بهالسهولة انبصت مرا وسرت اصيحححح من الفرح 

اول ماطلعت اتصلت ع بنت خالتي وصحباتي مرا حسيت بحرية مو طبيعية بعد الاختبارات 

تخيلو لو اني انتظام وفي حر الشمس الترم التاني واتهجول الهجولة ذي كلهاااا   

يارب اجيب درجات حلوة ترضي بابا واكمل انتساب من جد ماينفعلي الانتظام هذا واسبوع بس تعبت 

بس فلة لو عندك صحبات تمشي وتسلمي زي لجين صحباتي كل مامشيت تسلم ع احد وتسولف معاه ونفطر مع بعض  

يوم الثلثاء عصبت منها قلتلها لو مو بوية ماكان احد سلم عليكي بس البوي لايق عليها اكثر ><   

فديت قلبها الله يعين صحباتي في الانتظام الاسبوع هذا اختبراتهم الله يوفقهم 

ماكلمتهم مزبوط من اسبوعين ودحين كمان عشان اختبراتهم يعني بنكمل شهر ماكلمنا بعض مزبوط   

الله يوفقهم ويوفيق كل طالب وطالبة جامعيه ^^

….

حبايبي الي طلب مني تصميم استايل والله اسفه من جد اسفه انا مصدومة من نفسي  

ماعد سرت اقدر ازبط اي استايل وكلها تطلع بايخة عشان كذا مابعطيكم شي انا مو راضيه عنه 

وربي ماعد سرت اعرف اسوي شي بالفتو يومين اصمم شعار لمدونة ولاعرفت وفي النهاية اعتذرت

شكل مخي اتفرمت مع الاختبارات كوييس افتكرت التمبلر   

….

اومو اومو انا كتبت قد كذا مو غريبة راسي يعورني  

بسير اكتب كثير برجع بتعريف للعائلة مادري ليش حسيت اني ابغى اكتب عنهم   

انيوغي كاسيو ( مع السلامة )ـ  

oscar-t:

 

 • جتني طلبات كثيره للخامات والاشكال الي استخدمها 

      • ورفعتت لكم شوي من الي عندي باضافه لموقع للباترن  ..

_  عددها 34 خآآمه وو 22 اشكال فكتور ..  

 أذا تستاهل ريبلوق .. فَ بليز لا تبخلو  ♥

PART 1  

 

يآرب سهل ع مرت خالي وع كل حامل  

مراا متحمسة اشوف نونو طفشت من لارين وامورة 

  ربي يحفظهم 

,

.. يآرب هنآلك أروآح لا أستطيع العيش بدونهآ فأحفظهآ لي .. 

. 

،, 

خآنقتني العبرة 

قال تعآلى : “ إِنَّ مَعَ الْعُسْرِ يُسْراً “ ـ  

مبسوووطة مرآ اليوم مآتوقعت بعد مآيأست وانتهيت  

تنقللب الدنيا 180 درجة  .. يآرب لك الحمد  

 , 

،, 

سبحآن الله وبحمده  .. سبحآن الله العظيم